ਕੈਲਗਰੀ ਵਿੱਚ ਬੇਸਮੈਂਟਾਂ ਅਤੇ ਸੈਕੰਡਰੀ ਸੁਇਟਾਂ ਬਣਾਉਣ ਦੀ ਮੰਗ ਵਧ ਰਹੀ ਹੈ

ਕੈਲਗਰੀ(ਪੰਜਾਬੀ ਅਖ਼ਬਾਰ ਬਿਊਰੋੋ ) ਵੱਧਦੀ ਮਹਿੰਗਾਈ ਅਤੇ ਵਧੀਆਂ ਹੋਈਆਂ ਮੌਰਗੇਜ ਭੁਗਤਾਨਾਂ ਦੇ ਕਾਰਣ ਕੈਲਗਰੀ ਵਿੱਚ , ਸੈਕੰਡਰੀ ਸੂਟ ਅਤੇ ਵਾਕ ਆਊਟ ਬੇਸਮੈਂਟਾਂ ਵਾਲੇ ਘਰਾਂ ਦੀ ਮੰਗ ਵਧਦੀ ਜਾ ਰਹੀ ਹੈ।
2023 ਦੀ ਤੀਜੀ ਤਿਮਾਹੀ ਵਿੱਚ, ਸਿਟੀ ਆਫ ਕੈਲਗਰੀ ਵੱਲੋਂ ਸੈਕੰਡਰੀ ਸੂਇਟਾਂ ਦੇ ਨਿਰਮਾਣ ਵਿੱਚ 80 ਪ੍ਰਤੀਸ਼ਤ ਵਾਧੇ ਦੀ ਰਿਪੋਰਟ ਹੈ, ਅਤੇ ਇੱਕ ਕੈਲਗਰੀ ਬੇਸਮੈਂਟ ਨਿਰਮਾਣ ਕੰਪਨੀ ਦਾ ਕਹਿਣਾ ਹੈ ਕਿ ਪਿਛਲੇ ਸਾਲ ਤੋਂ ਉਹਨਾਂ ਦਾ ਕਾਰੋਬਾਰ ਲਗਭਗ ਚੌਗੁਣਾ ਹੋ ਗਿਆ ਹੈ। “ਪਿਛਲੇ ਸਾਲ ਅਸੀਂ ਲਗਭਗ 10 ਬੇਸਮੈਂਟ ਸੂਟ ਕੀਤੇ। ਇਸ ਸਾਲ, ਅਸੀਂ ਵਰਤਮਾਨ ਵਿੱਚ 40 ਬੇਸਮੈਂਟ ਸੂਟ ਪੂਰੇ ਕਰ ਲਏ ਹਨ ਅਤੇ ਸਾਲ ਦੇ ਅੰਤ ਤੱਕ ਇਹ 60 ਦੇ ਕਰੀਬ ਹੋ ਜਾਵੇਗਾ।
“ਬਿਲਡਰਾਂ ਅਤੇ ਡਿਵੈਲਪਰਾਂ ਦਾ ਕਹਿਣਾਂ ਹ ੈਕਿ ਉਹ ਬਹੁਤੇ ਭਾਈਚਾਰਿਆਂ ਵਿੱਚ, ਸ਼ਹਿਰ ਅਤੇ ਆਲੇ ਦੁਆਲੇ ਦੇ ਭਾਈਚਾਰਿਆਂ ਵਿੱਚ, ਅਜਿਹੀਆਂ ਪ੍ਰਾਪਰਟੀਆਂ ਤਿਆਰ ਕਰ ਰਹੇ ਹਨ ਜੋ ਬੇਸਮੈਂਟ ਵਿੱਚ ਵੱਖਰੇ ਤੌਰ ‘ਤੇ ਰਹਿਣ ਲਈ ਤਿਆਰ ਹਨ, ਅਤੇ ਅਜਿਹੀਆਂ ਪਰਾਪਰਟੀਆਂ ਦੇ ਮਾਲਕ ਆਪਣੀ ਵਧੀ ਹੋਈ ਮਾਰਗੇਜ ਕਾਰਣ ਆਪਣੀ ਆਮਦਨੀ ਨੂੰ ਪੂਰਾ ਕਰਨ ਦੀ ਇੱਛਾ ਰੱਖਦੇ ਹਨ।”
ਸਿਟੀ ਆਫ ਕੈਲਗਰੀ ਦਾ ਕਹਿਣਾ ਹੈ ਕਿ ਨਵੇਂ ਭਾਈਚਾਰਿਆਂ ਵਿੱਚ, ਸੈਕੰਡਰੀ ਸੂਟ ਲਈ ਅਰਜ਼ੀਆਂ ਵਿੱਚ 114 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ, ਜਦੋਂ ਕਿ ਪੁਰਾਣੇ ਇਲਾਕਿਆਂ ਵਿੱਚ, 351 ਸੈਕੰਡਰੀ ਸੂਟ ਬਿਲਡਿੰਗ ਪਰਮਿਟ ਦੀਆਂ ਅਰਜ਼ੀਆਂ ਪ੍ਰਾਪਤ ਹੋਈਆਂ ਹਨ, ਜੋ ਕਿ 2022 ਦੀ ਤੀਜੀ ਤਿਮਾਹੀ ਦੇ ਮੁਕਾਬਲੇ 33 ਪ੍ਰਤੀਸ਼ਤ ਵੱਧ ਹੈ।