ਘਰ
ਘਰ ਦੀ ਖੂਬਸੂਰਤੀ
ਇੱਟਾਂ ਦੀਆਂ ਕੰਧਾਂ
ਨਾਲ
ਕੀਮਤੀ ਫਰਨੀਚਰ ਨਾਲ
ਖੂਬਸੂਰਤ ਘਾਹ ਦੇ ਲਾਨ
ਜੋ ਕਿੰਨੀ ਵੀ ਤਰਤੀਬ ਨਾਲ
ਕਟਿੰਗ ਕੀਤਾ ਹੋਵੇ
ਨਾਲ ਨਹੀਂ
ਘਰ ਤਾਂ ਹੁੰਦੇ ਨੇ
ਭੈਣ , ਭਰਾਵਾਂ ਨਾਲ
ਜੋ ਘਰ ਦੀਆਂ ਕੰਧਾਂ ਹੁੰਦੇ ਨੇ
ਤੇ
ਤੇ ਛੱਤ ਹੁੰਦਾ ਏ ਪਿਉ
ਭਾਵੇਂ ਉਹ ਘਾਹ -ਫੂਸ ਦੀ ਹੀ ਹੋਵੇ
ਤੇ ਮਾਂ ਦੀ ਮਮਤਾ ਹੁੰਦੀ ਏ
ਜੋ ਠੰਢ ਬਖਸ਼ਦੀ ਹੈ ਗਰਮੀ ਵਿੱਚ
ਤੇ ਨਿੱਘ ਦਿੰਦੀ ਹੈ ਸਰਦੀਆਂ ਵਿੱਚ
ਤੇ ਬੱਚੇ ਪਨੀਰੀ ਹੁੰਦੇ ਨੇ
ਤੇ ਪਨੀਰੀ ਹੌਲੀ ਹੌਲੀ ਵੱਡੀ ਹੁੰਦੀ ਹੈ
ਤੇ ਦਰਖਤ ਬਣ ਫਲਦੀ- ਫੁੱਲਦੀ ਹੈ
ਤੇ!!!!!
ਤੇ ਜਦੋਂ ਵੀ ਹਨੇਰੀ ,ਝੱਖੜ ਝੁੱਲਦੇ ਨੇ
ਛੱਤ ਉੱਡ ਜਾਂਦੀ ਹੈ ਤੇ
ਤੇ ਕੰਧਾਂ ਢਹਿ ਜਾਂਦੀਆਂ ਹਨ
ਤੇ ਉਦੋ ਉਹੋ ਘਰ,ਘਰ ਨਹੀ
ਮਕਾਨ ਬਣ ਜਾਦਾ ਹੈ।
ਡਾ: ਸਤਿੰਦਰਜੀਤ ਕੌਰ ਬੁੱਟਰ
