ਅਕਲ ਤੋਂ ਅੰਨੀਓ ਕੁੜੀਓ
ਅਕਲ ਤੋਂ ਅੰਨੀਓ ਕੁੜੀਓ ਕੁਝ ਤਾਂ ਸ਼ਰਮ ਕਰੋ,
ਆਪਣੇ ਆਪ ਨੂੰ ਬਹੁਤਾ ਸਮਝਾਈਦਾ ਹੁੰਦਾ ।
ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦੀ ਹਜ਼ੂਰੀ ਵਿੱਚ ਲੈ ਕੇ ਲਾਵਾਂ,
ਬੇਗਾਨੇ ਪੁੱਤਾਂ ਨੂੰ ਆਸ਼ਕਾਂ ਤੋਂ ਨਹੀਂ ਮਰਵਾਈਦਾ ਹੁੰਦਾ ।
ਦਾਦੇ-ਪੜਦਾਦੇ,ਮਾਂ-ਪਿਓ ਤੇ ਭਰਾਵਾਂ ਦੀ ਇੱਜ਼ਤ ਰੋਲ ਕੇ ਕੀ ਮਿਲਦਾ,
ਜੱਦੀ-ਪੁਸ਼ਤੀ ਖ਼ਾਨਦਾਨੀ ਇੱਜ਼ਤ ਨੂੰ ਨਹੀਂ ਮਿੱਟੀ ਚ ਮਿਲਾਈਦਾ ਹੁੰਦਾ ।
ਘਰੋਂ ਦਿੱਤੀ ਖੁੱਲ੍ਹ ਦਾ ਨਾਜਾਇਜ਼ ਫ਼ਾਇਦਾ ਚੁੱਕਦੀਆਂ ਤੁਸੀਂ,
ਗੱਲ ਗੱਲ ਤੇ 365 ਚਰਿੱਤਰਾਂ ਨੂੰ ਨਹੀਂ ਦਿਖਾਈਦਾ ਹੁੰਦਾ ।
ਰੀਲਾਂ ਬਣਾਉਣ ਦੇ ਚੱਕਰ ਵਿੱਚ ਪੱਟੀ ਗਈ ਦੁਨੀਆਂ,
ਅੰਗ-ਪ੍ਰਦਰਸ਼ਨ ਕਰਕੇ ਨਹੀਂ ਸ਼ੇਰਨੀ ਕਹਾਈਦਾ ਹੁੰਦਾ ।
ਆਗਿਆਕਾਰੀ ਬਣ ਕੇ ਰਹੋ ਮਾਪਿਆਂ ਦੀਆਂ,
ਜਿੱਥੇ ਮਾਪੇ ਰਿਸ਼ਤਾ ਕਰਨ ਉੱਥੇ ਹੀ ਵਿਆਹ ਕਰਵਾਈਦਾ ਹੁੰਦਾ ।
ਪੰਜਾਬਣਾਂ ਦੇ ਹਿੱਸੇ ਜੋ ਸੋਹਣਾ ਰੰਗ-ਰੂਪ ਆਇਆ,
ਉਸਦਾ ਨਾਜਾਇਜ਼ ਫ਼ਾਇਦਾ ਨਹੀਂ ਉਠਾਈਦਾ ਹੁੰਦਾ ।
ਚੰਗੇ ਚਰਿੱਤਰ ਦੀਆਂ ਧਾਰਨੀ ਬਣ ਕੇ ਰਹੋ,
ਮਾੜੇ ਕੰਮਾਂ ਕਰਕੇ ਨਹੀਂ ਆਪਣੇ ਆਪ ਨੂੰ ਮਸ਼ਹੂਰ ਕਰਵਾਈਦਾ ਹੁੰਦਾ ।
ਕਰਮ “ਚਾਹਲ਼-ਮੱਲ਼੍ਹੀ”ਕਹੇ ਮੌਜੂਦਾ ਹਾਲਾਤਾਂ ਨੂੰ ਵੇਖ ਪੈ ਗਈ ਮੈਨੂੰ ਕਲ਼ਮ ਚੁੱਕਣੀ,
ਜੋ ਰਿਸ਼ਤਾ ਨਿਭਾਉਣਾ ਏ ਉਸਨੂੰ ਦਿਲ ਤੋਂ ਨਿਭਾਈਦਾ ਹੁੰਦਾ ।
ਕਰਮ “ਚਾਹਲ਼-ਮੱਲ਼੍ਹੀ”
ਐਡਮਿੰਟਨ(ਕੇਨੈਡਾ)
1 587 501 2034
