ਕਲਮੀ ਸੱਥ
ਕਿਸੇ ਨੂੰ ਨਾ ਦੱਸਿਓ ਮੈਂ ਕਿੱਥੇ ਆ !
ਸੁੰਨੀਆਂ ਥਾਵਾਂ ਫਰੋਲ ਕੇ ਲੱਭ ਲੈਣਗੇ
ਦੋਸਤਾਂ ਨੂੰ ਨਾ ਦੱਸਿਓ ਮੈਂ ਕਿੱਥੇ ਆ
ਮੈਂ ਨਹੀਂ ਕਿਸੇ ਦੇ ਮੱਥੇ ਲੱਗਣਾ
ਕਿਸੇ ਨੂੰ ਨਾ ਦੱਸਿਓ ਮੈਂ ਕਿੱਥੇ ਆ
ਮੈਂ ਫੇਰ ਆਪਣੇ ਆਪ ਨਾਲ ਗੱਲਾਂ ਕਰਨ ਲੱਗ ਜਾਵਾਂਗਾ
ਮੈਨੂੰ ਵੀ ਨਾ ਦੱਸਿਓ ਮੈਂ ਕਿੱਥੇ ਆ
ਹਵਾ ਚ ਫੈਲੀ ਖੁਸ਼ਬੂ ਦਸ ਦੇਵੇਗੀ ਆਈ ਬਸੰਤ ਬਾਰੇ
ਰੁੱਤਾਂ ਨੂੰ ਨਾ ਦੱਸਿਓ ਮੈਂ ਕਿੱਥੇ ਆ
ਲੱਭ ਲੈਣਗੇ ਹੱਥ ਮੇਰੇ ਹਨੇਰੇ ‘ਚ ਆਪੇ ਰਸਤਾ
ਚਾਨਣੀ ਨੂੰ ਨਾ ਦੱਸਿਓ ਮੈਂ ਕਿੱਥੇ ਆ
ਕਸਮ ਲੱਗੇ ਤੁਹਾਨੂੰ ਤੁਹਾਡੇ ਰੱਬ ਦੀ
ਮੇਰੇ ਰੱਬ ਨੂੰ ਨਾ ਦੱਸਿਓ ਮੈਂ ਕਿੱਥੇ ਆ
ਸਤਵਿੰਦਰ ਸਿੰਘ ਚੀਮਾ
ਕੈਲਗਰੀ ਐਲਬਰਟਾ ਕੈਨੇਡਾ
